QURBANNYŃ IZGILIGI

Ardaqty Paıǵambarymyz (s.a.ý.) bylaı deıdi:

• «Qurban aıt kúni – Alla Taǵala janynda kúnderdiń eń ulyǵy».

• «Qurban shalyńdar jáne oǵan jaqsy qarańdar. Rasynda kim qurbandyǵyn alyp, ony qubylaǵa buryp soısa, qııamet kúni jańaǵy qurbannyń qany men júni ony qorǵaıtyn qamalǵa aınalady. Shynynda qurbandyqtyń qany jerge Alla Taǵalanyń qorǵaýynda aǵady. (Qurban shalyp) bolmashy qorektiń arqasynda mol syıǵa ıe bolasyńdar».

• «Kimde-kim Qurban aıt kúni soımaq bolyp qurbandyǵyna jaqyndasa, Alla Taǵalanyń raqymy da jánnatta oǵan jaqyndaıdy. Qurbandyǵyn shalǵan kezde shyqqan qannyń alǵashqy tamshysymen birge Alla Taǵala ony keshirimge bóleıdi. Alla Taǵala ol qurbandy qııamet kúni (qabirden) mahsharǵa deıin oǵan kólik etedi, terisi men ár tal júnine saýap jazady».

Shamasy jetetin adamnyń Alla rızashylyǵy men shapaǵatyna ıe bolýdy nıet etip Paıǵambarymyz (s.a.ý.) úshin qurban shalýy mándýp. 

Álı Murtaza (k.ý.) bireýin ózi, bireýin Paıǵambarymyz úshin dep eki qoshqar qurban shalatyn jáne; «Rasýlýllah (s.a.ý.) ózi úshin qurban shalýdy maǵan ósıet etken» - deıtin.

Zıl-hıdja aıynyń onynshy, on birinshi, on ekinshi kúnderi men on birinshi, on ekinshi túnderi qurbandyq sharttary men sebepterine laıyq, qulshylyq jáne Allaǵa jaqyndyq nıetimen soıylǵan túıe, býıvol, sıyr, qoı jáne eshki sııaqty bes túrli janýarǵa qurban dep aıtylady. 

Qajetti jáne negizgi muqtajdyqtardan, qaryzdardan keıin nısab mólsherine jetetin maly bolǵan musylmannyń jylda bir ret Qurban aıt kúnderiniń birinde qurban shalýy – ýájip. Birin kúni shalǵan abzal.