QAZAQ BOLSAŃ, QAZAQ BOLYP ÓMIR SÚR!
Kim bolsań da, qaıda júrseń de, ne isteseń de - Ultyńdy uıatqa qaldyrmaıtyn, Ultyńnyń Rýhyn kóterip, mereıin ósiretin nárse iste! Bos kúlkige, bos maqtanǵa, bos ýaqyt ótkizýge oryn berme! Sen Qazaqtyń balasysyń ǵoı!
Arýaqty ata-babań saǵan barlyǵyn amanatqa qaldyrdy! Barlyǵyn! Altaıdan Narynǵa deıin sozylyp jatqan aıpara jerdi! Búkil baılyqty! Ana Tilińdi! Dala Dilińdi! Ata Dinińdi! Óıtkeni, saǵan sendi!
Sen Alashtyń Ar-Uıatysyń! Ulttyń Ar-Namysysyń! Ar-Imanysyń! Sen basqa emes, eń aldymen Qazaqsyń! Osyny eshqashan, esh jerde umytpa! Bir sátte de esińnen shyǵarma! Qazaq ekeniń - Ǵajap ekeniń! Sen Qazaqqa kereksiń! Qazaq saǵan kerek!
Qazaq balasy bostan-bos júrmeıdi, bostan-bos kúlmeıdi. Qazaq balasy qashanda Ultyna kerek bolyp, Adam qalpymen ómir súredi!
Iá, sen bul jaryq dúnıege tirlik etý úshin emes, Ómir súrý úshin keldiń! Sen basqa bolma! Basqalarǵa elikteme! Basqa bola almaısyń! Basqa bolyp opa tappaısyń! Basqaǵa uqsap, baqytty bolmaısyń! Barlyǵy ózińde bar! Qazaq bolsań, Qazaq bolyp ómir súr!
