QAIYRYMDY ADAM

Baıaǵyda bir kisi bolypty. Bir kúni bazarǵa baryp kókónis satyp ákeledi. Úıine jetip, arbasyn qańtarǵanda baryp saýdagerler muny aldap, kókónistiń ornyna kóp tas salyp jibergenin baıqaıdy. Biraq ol óte momyn kisi edi. Qaıtyp baryp shý shyǵaryp, saýdagerlerdi qarǵap-silep áýre bolmady. Óz tirshiligin jalǵastyra berdi.

Mine, sodan beri qyryq jyl ótken eken. Bir kúni baıaǵy momynnyń esigin saqaly belýaryna túsken qos qarııa qaǵady.

- Amansyń ba, - deıdi ekeýi de birdeı amandasyp, - baıaǵyda seni aldap ketken saýdagermiz ǵoı. Senen keshirim suraýǵa keldik. Bizdi keshirshi, - dep aıaǵyna jyǵylady.

Biraq momyn ekeýin turǵyzyp alyp, qushaqtaıdy.

- Ol jaǵdaı meniń esimde. Men senderdi sol kúni keshirgenmin. Tastaryńmen aýladaǵy tesikterdi bitedim.

- Al, biz qyryq jyldan beri júrekke salmaq salyp, kóńilimiz kúpti bolyp, ishimizge dıirmenniń tasyn artyp júrmiz, - depti keshirim alyp, jeńileıip qalǵan qos saýdager.

Aýdarǵan Shynar Ábilda