MEIIRIM JOQ JERDE ADAM DA JOQ

Keshe bir fılm kórip, birtúrli kúıge tústim. Fılm bastan aıaq qanǵa, qatigizdikke toly. Basynda aýyrsynyp kórip otyr edim, aıaǵyna taman qatigezdikke etim úırene bastaǵan sııaqty. Iá, búgingi tańda fılderdiń kóbi atys-shabys, ólim, jaýyzdyq pen qııanat sahnalaryna toly. Qoǵamda oryn alyp jatqan qatigezdik pen qylmystyń kóbine osyndaı fılmderdiń áseri az emes aý.

Osmanly dáýirinde mynandaı bir keremet tájirıbe bar bolatyn.

Mal soıatyn qasapshylardy memleket alty aı saıyn mindetti túrde demalysqa shyǵaryp, baqsha egýmen aınalysýǵa jiberedi eken. Nelikten?

Qatigezdikke boılary úırenip, júrektegi meıirim sónbesin,  adamdyq qasıet óshpesin dep. Baqsha baptap, gúl ósirý arqyly tabıǵatpen baılanysyp, júrekteri jumsarsyn dep.

Al biz she?

Qan, azap, ólim, jaýyzdyq jaıly kontentti kúnde kórip, etimiz úırengeni sonshalyq eleń etpeıtin boldyq. Júrektegi janashyrlyq sezimi de semip barady. Bul – únsiz ý.

 Sondyqtan júregimizdegi meıirimdi óshirip almaýǵa qamdanýymyz kerek. Jetimniń basyn sıpap, qamqor bolý, muqtajdarǵa kómektesý de júrekke meıirim uıalatatyn ıgi ister. Allanyń “Rahman, Rahım, Halım, Latıf, Raýýf” sekildi esimderin jıi zikir etken da abzal.

Meıirim joq jerde adam da joq.

Qaırat JOLDYBAI