MÁShHÚRDIŃ ǴIBRAT SÓZDERI

Qudaıdyń qudiretiniń sheberligin bilemin deseń, óz boıyńa qara. Qandaı sheberlep jaratqan? Ishi -tysy bir- birine hılap, basyn qalaı qosyp biriktirgen?

Bul álem júzinde barlyq óner qulaq estimegen, kóz kórmegen ǵajaıyp tamashalar barshasy da osy adamnyń qara boıynan tabylǵan. Dene - bir qarańǵy úı. Jan- sol úıdi jaryq qylyp turatuǵyn sáýle degende, sáýle otsyz bolmaıdy. Ot bolsa, onyń ekinshi bir nársesi qyzdyratuǵyn qyzýy bolady. Ol qyzý denedegi qandy qyzdyrady. Sonan soń denedegi jumystardyń bárin qan jumystatty. Denede janǵa serik bolýǵa jaraıtuǵyn nárse qan. Jan sáýle deıik, júrek aına deıik. Aınaǵa túsken sáýle oınaqshyp turady. Júrektiń lúpildep , oınaqshyp turatuǵyny sol, júregi aına bolýǵa jaraǵan jan óz boıyndaǵy erik- yqtııaryn ózi bıleıdi. Júregi aına bolýǵa jaramaǵan jandy qan bıleıdi, qan buza bastaıdy. Buzyqtyq tabylǵan adamdy ,,qany buzylǵan shirkin ǵoı,, -deıtini sondyqtan.

Árkimniń jany bir qalypta turmaıdy. Dene bir qarańǵy úı, jan onda jaryq qylyp turǵan nur. Bireýdiń jany shyraǵdan syqyldy, keıbireýdiki maısham syqyldy. Keıbireýdiki tas sham syqyldy, keıbireýdiki kerosın maıy syqyldy. Keıbireýdiki onan da jaryq, mashınamen jaǵylatyn Elektri bar jaryq syqyldy. Onan da jaryǵy zor nurly jan bolady.

Qudaı taǵala sarańdyqty bilmeıdi, sarań emes. Biraq sonda da aqyldy Adamzattan basqaǵa qımady da, bermedi.

Ǵaqyl degen ózi ne nárse? ,,Alqul nurfı lyǵylyp,,. Ǵaqyl Adamnyń júreginde bir svet nur jaryq. Ol nur júrekte janyp, sáýlesimen mıǵa baryp túsip, qyzmetin sol jaıdan ada qylady. Sol úshin aıtylady, ǵaqyldy kisini - mıly kisi dep, ǵaqylsyz kisini -mısyz aqymaq dep.

Pende Alla taǵalany nemen biledi? Ǵaqylmen biledi. Ǵaqyl bir nur. Qudaı tábárik taǵala ol nurdy ózi súıgen pendesiniń júreginiń ishine ornatýmen sáýlesi mıǵa baryp ornap, turaǵy ǵarshy, kúrsiniń kúrsisine baryp turaqtaıdy. Bul qasıetten ǵarshy, kúrsiden bergi jer- adam oılap bilýine múmkin. Onan joǵaryǵa ǵaqyl zeıin jetpeıdi. Ǵaqyla ýhılmaq aıtqandar- ǵaqyl bazada satylatuǵyn nárse bolsa edi. Mańdaıynda bolǵan bar maldyń ushy osy boldy. Eger ,,Iesin berip satyp al!"- degen sóz ne úshin?- deseń, Adamnyń haq qasynda, hám halyq qasynda qımasty óz ǵaqylynyń mólsherine qaraı bolady. Ǵaqyl kórinbegen nárseni oılap, bilýge kerek. Zeıinge , oıǵa salyp qarasańyz, adamnyń basynyń ishindegi mıdyń bes qyzmetkeri bar. Muny ,,hýas,, ,,hamsa,, ,,batna,, deıdi. Eń áýelgisi qýat hys mishtirik. Biri qýat hııala. Biri qýat mitińre, biri qýat ýahıma, biri qýat hafza.