MÁShHÚR JÚSIP PEN ShÁKÁRIMNIŃ SOŃǴY KEZDESÝI...

1931 jyly jazda Baıanaýyl elinde urpaǵy Shormannyń Musasyna úlken as berip, soǵan Shyńǵystaýdan Shákárim qajy kelipti.

Shákárim qurdasy Máshhúr Júsipten: «Myna jańa zaman qalaı bolady?», – dep suraıdy.

Máshhúr Júsip: «Bul – alasapyran zaman. Bul – sotsıalızm degen zaman, maǵynasy qudaısyzdar qoǵamy degen. Dúnıekezek degen bar emes pe, bir kezde – Qudaı degen qustaı ushady, dedik, endi Qudaı degen, murttaı ushatyn zaman bolady, kóreshek alda. Tiri qalǵanyń kóresiń. Shákárim, jaǵdaı osylaı», – degen eken.

Musa asynan keıin tórt kún elde qonaq bolyp, endi qaıtam degen dosy Shákárim qajyǵa Máshhúr Júsip aıtqan eken:

«Az ǵana ýaqyt, tórt-aq kún birge boldyq. Bul ekeýmizdiń aqyrǵy kezdesýimiz bolar, jas ta keldi, taǵdyr da jaqyn.

Dúnıe kóshken kerýen ǵoı, dúnıege birge keldik, birge júrdik. Endi sol kerýenimizben birge ketýimiz kerek qoı. Birimizdiń ajalymyz Alladan bolar, birimizdiń ajalymyz adamnan bolar. Jas ta keldi, taǵdyr da jaqyn. Aqyrǵy kezdesýimiz osy bolar. Qosh saý bol!», – dep qosh aıtysyp attanady.

Ekeýi qushaqtasyp, keshý alysyp, qoshtasady.

Ekeýiniń týǵan jyly da, ótken jyly da bir eken: 1858–1931 jyldar aralyǵynda ómir súrgen.

Máshhúr áýlıeniń aıtqany kelip, ózi sol jyly 27 qarashada óz ajalynan óledi, al Shákárim qajyny kúz ortasynda Shyńǵystaýda NKVD jendetteri atyp, sol mańdaǵy qudyqqa tastap ketken.

Máshhúr Júsip Kópeıulynyń kitabyndaǵy Tólepbergen Aldabergenovtyń qaltyrǵan jazbasynan