DINI BASQARMA QAJYLYQ ORYNDARYN ALÝ BOIYNShA KONKÝRS JARIIaLAIDY

Qazaqstan musylmandary dinı basqarmasy qajylyq jáne umra salasynda qyzmet kórsetetin tájirıbeli týroperatorlar arasynda adal ári ádil básekelestikke qol jetkizý úshin ári qajylarymyzǵa qolaıly jaǵdaı jasaý maqsatymen «Úmitker týroperatorlarǵa qajylyq oryndaryn bólýdiń erejesi» negizinde 2026 jyly qajylyqpen aınalysýǵa úmitker týrıstik operatorlar arasynda konkýrs jarııalaıdy.

KONKÝRS TALAPTARY:

1. «Qajylyq-2026» maýsymyna daıyndyǵy jáne naqty ıgere alatyn qajylyq oryn sany men múmkindigi týraly QMDB-ǵa ótinish hat jiberý;
2. Týroperatorlyq qyzmetti júzege asyrý boıynsha QR qoldanystaǵy zańnamasynyń talaptaryna saı berilgen tıisti memlekettik lıtsenzııasynyń jáne QR týrıstik qyzmeti týraly zańynyń 27-3-babynyń 1-tarmaǵyna sáıkes qosymshasynyń bolýy;
3. Salyq komıtetinde tirkelgeni týraly kýáliginiń jáne salyqtary tólengenin aıǵaqtaıtyn qujattardyń bolýy;
4. Qajylyq pen umrany uıymdastyrýda turaqty oń 5 jyldyq tájirıbesiniń bar ekendigin aıǵaqtaıtyn qujattardyń bolýy;
5. QR zańdaryn jáne SAK tarapynan qajylyqqa qatysty qoıylǵan talaptardy buzbaýy;
6. QR aýmaǵynda halyqqa sapaly qyzmet kórsete alatyn keńsesiniń bolýy (keńseniń meken-jaı anyqtamalyǵy, keńse nemese ǵımaratty jalǵa alǵan kelisim-sharty). 

Atalǵan qujattar 2025 jylǵy 18 tamyzdan bastap hajj@muftyat.kz poshtasy arqyly 2025 jylǵy 31 tamyzǵa deıin qabyldanady. Kórsetilgen merzim aralyǵynda qujattaryn tapsyrmaǵan týroperatordyń usynystary qaralmaıdy.

Týyndaǵan suraqtar boıynsha atalǵan poshtaǵa jáne QMDB Qajylyq bólimine (Jándillá Bekjigitov 87014770717) habarlasýǵa bolady.          

QMDB Qajylyq bólimi