BIZDI TOQShYLYQPEN SYNAP JATQAN JOQ PA EKEN...

Ertede el basyna jut kelip, ashtan ólip bara jatqan bir qarııa bylaı depti:

— Biz jaqsy zamanda ómir súrip jatyrmyz.

— Ashtan ólip bara jatqanda qalaı jaqsy bolmaq? — dep surapty jurt.

— Bizdi asharshylyqpen synap jatyr. Bolashaq urpaqty toqshylyqpen synaıdy. Asharshylyq ımannan aıyrmaıdy, kerisinshe, Qudaıdy eske túsirip, jaqyndatady.

Al toqshylyq ımannan aıyrady, Qudaıdy umyttyrady. Sol zaman qıyn bolady, — degen eken jaryqtyq.

Asharshylyq zamany ótti, toqshylyq keldi.

Toqshylyq asharshylyqtan da jaman bolmaq.

Asharshylyqta Qudaıdy eske alyp, odan járdem suraısyń.

Al toqshylyqta Qudaıdy umytasyń, járdemdi Qudaıdan emes, aqshadan, dúnıe-múlikten izdeısiń, ár nársege syn aıtyp, bárin aqshamen ólsheıtin bolasyń.

Qazirgi zamanda bizdi toqshylyqpen synap jatqan joq pa eken degen oı keledi...