BIR KEM DÚNIE
Altyn ózi totyqpaıdy,
Adamdardyń janyn totyqtyrady.
Bir kem dúnıe...
Arany ashylǵan, ashqaraq toıymsyzdar - adaldyqtyń qazyǵynan ajyrap qalǵandar.
Adaldyqtyń qazyǵy - qanaǵat.
Bir kem dúnıe - zor kem dúnıe.
Eger adamnyń júreginde muz qatyp qalsa, kórkem kitap sony jibitýge tıis. Eger erite almasa, ol osal shyǵarma.
Ózgeniń kóleńkesinde turǵannyń óz kóleńkesi bolmaıdy. Óz kóleńkesi bolmasa - ólgeni.
Bir kem dúnıe.
Adamdy azdyratyn jaman qylyqtar da adamnyń ózinen shyǵady. Ol da tat. Ony sabyndap jýyp ketire almaısyń.
Bir kem dúnıe.
Ýaqyt - máńgilik. Máńgilik bastalmaıdy da, aıaqtalmaıdy da.
Bir kem dúnıe.
Talanttar raýshan gúli sııaqty jan-jaǵyna jupar shashady, kóńil ashady. Tikeni, azaby ózine. Talantsyz topastar shoshqa tiken sııaqty. Gúldemeıdi. Súıkimsiz. Azaby ózgege. Jamandyq solardan.
Bir kem dúnıe.
Mektep qartaımaıdy.
Mektep bitirgender qartaıady.
Bir kem dúnıe.
Rýxtary máńgi sónbeıtin alyptar eki dúnıede de jarqyraıdy.
Bir kem dúnıe.
Adamda bári de bolýy múmkin. Áıteýir, birdeńe jetpeı turady.
Bir kem dúnıe.
/Sherxan Murtaza/
"Bir kem dúnıe..."
