BIR AÝYZ SÓZBEN BITKEN DAÝ

  Ótken ǵasyrda Toqtaǵul degen kisiniń jigitteri, Aspan atalyǵynyń aýylynan tórt bas bıe aıdap alyp barymtalap ketken eken. Qansha daý, barys-kelis bolǵanymen Toqtaǵul alǵan jylqylaryn moıyndamapty da, bermepti de.

Bul daý Baqashy(Boqaı) Tólebaı bıge jetedi.Tólebaı Toqtaǵulǵa habar aıtyp, belgilep otyrǵan jerlerine kelip kezdesýge shaqyrady.Toqtaǵul keletin bolyp kelisimin beredi.

Erteńine belgilengen jerge Tólebaılar erte barady. Kún ystyq, jazdyń aıy bolsa kerek.Toqtaǵul keshigip kópke deıin kelmeı qoıady.

Tóbelerinen kún, tabandarynan qumnyń ysýy ótken Tólebaılardyń shydamdary taýsylyp turǵandarynda Toqtaǵuldar talma-tal túste ázer keledi.

Sonda Tólebaı bı:

 —Toqtaǵul keledi dep toptandyq,

Bir tóbeniń basyna kelip shoqtandyq.

Tóbemizden kún ótip,

Tabanymyzdan jer ótip,

Syrtymyzǵa shyǵarmaı

Ishimizden boqtandyq,-depti.

Toqtaǵul sonda:

 — Tólebaıdaı aǵaly boldyq,

Tórt baıtalǵa jalaly boldyq.

Ekeýin qolǵa aldyq,

ekeýin qoıynǵa saldyq, - deıdi.

Sonda Tólebaı bı atam serikterine:

— Júrińder kettik,  - degen eken. Sóz mánisine túsinbegen serikteri:

 — Bul qalaı boldy,-Tóke?-degen de. Tólebaı bı:

 — Eki baıtal alǵanymyz ras, ony qaıtaramyz, taǵy ekeý degenderińizdi almaǵanyma ant ishemin,- dep tur. Eki baıtaldy alyp kelińder,- dep buıryq berip,erteńine aldyrtypty. Daý — osylaı aqyldy kisilerdiń jáı sózimen-aq sheshilgen eken.

 

  Abdýlla Sısenuly Kirebaev aǵamyzdyń vatsab paraqshasynan