ÁIELIŃDI JOǴALTQYŃ KELMESE... /er adamǵa arnalǵan keńester/
Birinshi keńes: Nemquraıly bolma
Er azamattyń áıeline degen eń mańyzdy mindetteriniń biri - ony eleýsiz qaldyrmaý. Sebebi áıeldiń júregindegi súıispenshilik pen meıirimdi nemquraılyq óltiredi. Eger sen áıelińdi shyn jaqsy kórseń, oǵan erekshe kóńil ból - mahabbat pen qamqorlyqtyń ózeninen shólin qandyr, sonda ol da seni meıirim men mahabbatqa bóleıdi.
Ekinshi keńes: Qatigez bolma
Áıel zaty qatal erkekti unatpaıdy. Ol - meıirimdi, janashyr jáne qushaǵynan tynyshtyq tabatyn erkekti súıedi. Áıelińe qatigezdik kórsetpe - qataldyq óshpendilikke esik ashady. Eger áıeliń seni jek kórip ketse, senmen ómir súrýdiń mánin joǵaltady, al mundaı jaǵdaı ajyrasýǵa ákelýi múmkin, ne isteseń de toqtata almaısyń.
Úshinshi keńes: Ony qorlama
Er adamnyń áıelin qorlaýy - onyń óziniń qadirin túsiredi. Áıeldiń aldynda abyroıynan aıyrylady. Áıel, sezimtal bola tura, ózin qorlaǵandy eshqashan umytpaıdy. Sondyqtan aqyldy erkek bol, áıelińdi qurmette jáne eshqashan onyń qadirin ketirme. Sonda eń baqytty adam bolasyń. Áıelin qurmetteıtin erkek - onyń kóz aldynda táj kıgen han tárizdi. Áıeli de barynsha ony baqytty etýge tyrysady.
Tórtinshi keńes: Aýzyńnan shyqqan sózge abaı bol
Erkektik - áıelińe aýyr, anaıy sózder aıtý emes. Tilmen renjitý - aldymen ózińniń abyroıyńa daq túsirý. Sondyqtan sóılerde oılanyp sóıle. Sebebi sóz - qylysh sekildi: aradaǵy barlyq súıispenshilik pen jaqyndyqty kesip tastaıdy. Ol seni qansha jaqsy kórse de, qatty sózderge tóze almaı qalýy múmkin.
Besinshi keńes: Oıyna tyıym salma
Qurmetti er azamat,
Erkektik - áıelińdi únsiz qaldyrý emes. Ol da - otbasy ómiriniń mańyzdy múshesi. Jubaılyq ómirdegi máselelerde onyń pikiri de mańyzdy. Onyń pikiri keıde senikinen de durys bolýy múmkin. Naǵyz erkektik - áıeliniń oıyn tyńdap, onymen kelispese de qurmetpen qaraý.
Altynshy keńes: Senimin aqta
Áıel eriniń óz ómirinde bar ekenin, qoldaý kórsetetinin sezingisi keledi. Sen - onyń tiregi ekenińdi umytpa. Qıyn sátte onyń janynda bol, qajet kezde janyna jebeý bol. Qıyndyqta jalǵyz qaldyrsań, ol saǵan degen seniminen aıyrylady.
Jetinshi keńes: Oǵan opasyzdyq jasama
Eger áıeliń saǵan opasyzdyq jasasa, ne kúıde bolar ediń? Qandaı sezimde bolar ediń? Qansha ýaqyt kótere alar ediń? Bul seniń namysyńa, júregińe, janyń men erkektigińe aýyr soqqy emes pe edi?
Sol sekildi, sen de oǵan opasyzdyq jasama. Sen úshin qandaı aýyr bolsa, ol úshin de sondaı. Sen ony saqta - ol da seni saqtaıdy.
⸻
Barsha er azamatqa bul keńester otbasylyq ómirde súıispenshilik pen turaqtylyqty saqtaýǵa kómektesedi.
